Rwanda: Izuba rikomeje kuyogoza Intara y’Iburasirazuba

Aya matungo yo mu Murenge wa Rwimiyaga, akoresha hafi ibirometero icyenda ngo agere ku mugezi w'Umuvumba — Aya matungo yo mu Murenge wa Rwimiyaga, akoresha hafi ibirometero icyenda ngo agere ku mugezi w’Umuvumba (Ifoto/Habimana J.)

Uturere twa Nyagatare, Gatsibo, Kayonza na Kirehe mu Ntara y’Iburasirazuba dukomeje kwibasirwa n’amapfa yatewe n’izuba rimaze igihe kirekire.

Iyi Ntara ari na yo nini mu Rwanda, izwiho kuba ikigega cy’ubukungu bw’u Rwanda mu bworozi ndetse n’ubuhinzi.

Gusa kubera izuba rimaze igihe ryibasiye abayituyemo babangamiwe mu buryo bukomeye n’iri zuba ryinshi, bamwe badatinya kuvuga ko rimaze kuba nk’iryo mu butayu.

Aborozi bo muri utu turere ndetse n’abahinzi nibo babangamiwe mu buryo bukomeye, harimo nko kubona amazi, kubura ibiryo by’amatungo, no gukora ingendo ndende ku matungo ngo agere ahari amazi.

Nk’ubu hari aborozi bagenda ibirometero hafi 8 kugira ngo bagere ahari amazi nayo yo mu mugezi w’Umuvumba, ugabanya u Rwanda na Tanzania.

Kubona ibiryo by’amatungo nabyo bimaze kuba ingume.

Nk’aho ikinyamakuru izubarirashe.rw cyageze mu Murenge wa Rwimiyaga Akarere ka Nyagatare, kugira ngo umworozi abone ibyo agaburira amatungo, birasaba ko ashaka abakozi bakajya mu mirima y’ibigori, bakarundanya ibisigazwa byabyo (ibigorigori), nk’uko muri bubibone ku mafoto.

Uwitwa Kayumba atuye muri uyu Murenge, aganira n’iki kinyamakuru yagize ati “Aho Inka zacu zarishaga hasigaye ubutaka gusa, kugira ngo tubone ibyo tugaburira amatungo bisaba ko twirirwa mu baturanyi bacu, tukabasaba aho basaruye ibigori n’ibishyimbo, noneho tukarundanya ibisigazwa byabo, tukaba aribyo tugaburira ayo matungo.”

Nubwo aba barozi bacyifashisha ibi bisigazwa by’ibigori, nta kabuza ko mu mezi ari imbere ikibazo cyiza gukomera cyane ibi ibigorigori bishobora gushira mu minsi mike, kuko aba baturage bose aribyo bahanze amaso.

Aho iki kinyamakuru cyageze mu Mirenge ya Rwimiyaga, Karangazi, Matimba na Musheri, usanga amwe mu mavomo yarabuze amazi, amwe mu mariba aho aya matungo yashorwaga yarakamye, andi yabaye ibyondo ndetse arasibama.

Kubera kandi umurongo muremure ugaragara kuri robine zimwe zitarapfa, bamwe mu baturage batuye mu Murenge wa Rwimiyaga bahitamo kujya ku mugezi w’Umuvumba, bagakoresha ibirometero birenga umunani.

Ku bahinzi nabo, imibyare yumiye mu mirima, ibi bikaba aribyo bikomeje gutuma bamwe bahitamo gusuhukira mu bihugu by’abaturanye nka Uganda.

Mu Murenge wa Musheri naho ni mu karere ka Nyagatare, nk’abahatuye mu kagari ka Nyamiyonga usanga bavoma ibyondo. Aya niyo mazi abatunze kuva mu myaka 22 ishize.

Mu mwaka ushize, ikibazo nk’iki cyizuba kandi cyibasiye iyi ntara, ku buryo byageze aho ikiro cy’inka (inyama) kigura amafaranga 300, inka yose ikaba yagurwa amafaranga ibihumbi bitandatu (6).

Aha ho ni Murenge wa Karangazi, amatungo nta kibona ibiyatunga (Ifoto/Habimana J.)

Aha ni ku mugezi w'Akagera — Aha ni ku mugezi w’Akagera (Ifoto/Habimana J.)

Aha ni Murenge wa Rwimiyaga (Ifoto/Habimana J.)

Aya matungo abayeho mu buryo bukomeye — Inka zitunzwe n’ibishogoshogo by’ibishyimbo (Ifoto/Habimana J.)

Icyi cyuzi ni icy'umuturage mu Murenge wa Rwimiyaga, abaturage bajya ku kivomaho iyo babonye adahari — Icyi cyuzi ni icy’umuturage mu Murenge wa Rwimiyaga, abaturage bajya ku kivomaho iyo babonye adahari (Ifoto/Habimana J.)

Imibyare yarashize, bamwe batangiye kwerekeza iya Uganda (Ifoto/Habimana J.)

Iyi foto iragaragaza idamu aho abaturage buhiraga amautungo, gusa kubera izuba ryinshi harasibamye (Ifoto/Habimana J.)

Izi nka ntizikibona ibizitunga, aborozi bazindukira mu mirima gushaka ibigorigori n'ibisigazwa by'ibishyimbo — Izi nka ntizikibona ibizitunga, aborozi bazindukira mu mirima gushaka ibigorigori n’ibisigazwa by’ibishyimbo (Ifoto/Habimana J.)

Izi nka zitungwa n'ibi bisigazwa by'ibigori, gusa ngo mu minsi iri imbere bizashira — Izi nka zitungwa n’ibi bisigazwa by’ibigori, gusa ngo mu minsi iri imbere bizashira (Ifoto/Habimana J.)

Ku mugezi w'Akagera, abaturage baba bavoma, inka zinywa amazi, imbwa nazo ziri ku ruhande — Ku mugezi w’Akagera, abaturage baba bavoma, inka zinywa amazi, imbwa nazo ziri ku ruhande (Ifoto/Habimana J.)

Ku mugezi w'Umuvumba, aho aba baturage bahurira n'amatungo yabo — Ku mugezi w’Umuvumba, aho aba baturage bahurira n’amatungo yabo (Ifoto/Habimana J.)

Umugezi w'Umuvumba ufite umwanda iyo urebye aho aba baturage bashyikira bajya gushaka amazi — Umugezi w’Umuvumba ufite umwanda iyo urebye aho aba baturage bashyikira bajya gushaka amazi (Ifoto/Habimana J.)

Kugeza ubu bamwe mu baturage bakomeje kwebera Uganda — Kugeza ubu bamwe mu baturage barakinze bigira Uganda (Ifoto/Habimana J.)

Aha ni Murenge wa Musheri, kubona amazi byabaye amateka kuri bo (Ifoto/Habimana.J)

Iki kibazo cy'izuba ryinshi cyibasiye Akagari ka Nyamiyonga mu Murenge wa Musheri (Ifoto/Habimana.J) — Iki kibazo cy’izuba ryinshi cyibasiye Akagari ka Nyamiyonga mu Murenge wa Musheri (Ifoto/Habimana.J)

Uyu mwana yaje gushaka amazi mu mugezi w'Umuvumba, ugabanya u Rwanda na Uganda (Ifoto/Habimana .J) — Uyu mwana yaje gushaka amazi mu mugezi w’Umuvumba, ugabanya u Rwanda na Uganda (Ifoto/Habimana .J)

Uyu muturage akoresha hafi ibirometero 8 ajya ku mugezi w'Akagera, iyo ageze mu Mujyi wa Rwimiyaga akigurisha amafaranga 300 (Ifoto/ Habimana .J) — Uyu muturage akoresha hafi ibirometero 8 ajya ku mugezi w’Akagera, iyo ageze mu Mujyi wa Rwimiyaga akigurisha amafaranga 300 (Ifoto/ Habimana .J)

https://inyenyerinews.info/justice-and-reconciliation/rwanda-izuba-rikomeje-kuyogoza-intara-yiburasirazuba/https://i0.wp.com/inyenyerinews.info/wp-content/uploads/2016/07/izuba.jpg?fit=800%2C450&ssl=1https://i0.wp.com/inyenyerinews.info/wp-content/uploads/2016/07/izuba.jpg?resize=140%2C140&ssl=12016-07-22T20:56:40+00:00Placide KayitareAFRICADEMOCRACY & FREEDOMSHUMAN RIGHTSJUSTICE AND RECONCILIATIONPOLITICSAya matungo yo mu Murenge wa Rwimiyaga, akoresha hafi ibirometero icyenda ngo agere ku mugezi w'Umuvumba (Ifoto/Habimana J.) Uturere twa Nyagatare, Gatsibo, Kayonza na Kirehe mu Ntara y’Iburasirazuba dukomeje kwibasirwa n’amapfa yatewe n’izuba rimaze igihe kirekire. Iyi Ntara ari na yo nini mu Rwanda, izwiho kuba ikigega cy’ubukungu bw’u Rwanda mu...Placide KayitareNoble Mararakayitare@gmail.comAdministratorINYENYERI NEWS