Ukuriye inteko nshingamategeko ya Uganda Hon Stephen Birahwa Mukitale yavuze ko perezida Yoweli Museveni agenda asatira umusozo mu gihe cyo kuba abarwa nk’umukuru w’igihugu, ikindi kandi ngo n’uwahoze ari minisitiri w’intebe Hon Amama Mbabazi ntiyakagombye kumusimbura.

Buliisa ni umwe mu bagize inteko nshingamategeko ya Uganda, yavuze ko mubigaragara perezida Museveni ashaka manda ya 5. Museveni ni umukuru w’igihugu cya Uganda kuva mu w’1986 ni ukuvuga ko amaze imyaka 28 kubutegetsi.

Mu muhango wo gusoza inama yarigamije gushaka imigendekere myiza y’amatora muri iki gihugu, Hon Mikitale yavuze ko Uganda itagikwiye kuyoborwa n’abasaza n’abakecuru akaba asanga igihe kigeze ngo urubyiruko rushyireho akarwo.

’’Nshibwa intege n’urubyiruko rwa Uganda. Nkomeje kwibaza ni ryari ruzahaguruka ngo rufate ubuyobozi mu mashyaka ya politiki’’ Mikitale.

Mukitale akomeza avuga ko mu gihe abagande benshi cyane cyane abatavuga rumwe n’ubutegetsi banenga Museveni kuramba k’ubutegetsi, hari urubyiruko rukimwinginga ngo abe agumyeho.

Urubyiruko rwo muri NRM rwatanze Museveni nk’umukandida rukumbi ukwiye kwiyamamariza umwanya wa perezida . Evelyn Anite , umwe mu bagize inteko nshingamategeko ya Uganda w’imyaka 30 y’amavuko mu mwiherero w’ishyaka riri k’ubutegetsi NRM yasabye ko Museveni aguma k’ubutegetsi.

Mukitale asanga biteye agahinda kuba Museveni yasimburwa na Mbabazi w’imyaka 65 kandi muri iri shyaka rya NRM, harimo urubyiruko.

Uyu mugabo akomeza yibaza igihe NRM bazarekera abana bakayobora ngo dore ko kuva muri za 70 bafata ubutegetsi abana babo ubu bafite imyaka 40.

Ibi Mikitale arabyibaza mu gihe hasigaye iby’umweru bike ngo kuri stade yitiriwe Mandela habe inama yo kwibaza niba kuba iri shyaka ritanga umukandida umwe atari uburyo bwo kuburizamo Mbabazi.

Mbabazi yamaze kwemera ko azitabira iyi nama kabone n’ubwo ari muri konje nk’umunyamabanga mukuru. Mukitale akomeza avuga ko hakenewe nibura imyaka itanu y’inzibacyuho mbere y’uko hashyirwaho andi mashyaka.

chimpreport

Placide KayitareAFRICAJUSTICE AND RECONCILIATIONPOLITICSUkuriye inteko nshingamategeko ya Uganda Hon Stephen Birahwa Mukitale yavuze ko perezida Yoweli Museveni agenda asatira umusozo mu gihe cyo kuba abarwa nk’umukuru w’igihugu, ikindi kandi ngo n’uwahoze ari minisitiri w’intebe Hon Amama Mbabazi ntiyakagombye kumusimbura. Buliisa ni umwe mu bagize inteko nshingamategeko ya Uganda, yavuze ko mubigaragara perezida Museveni...PUBLISHING YOUR NEWS WITH CUTTING EDGE STYLE