Tanzania: Umudepite uherutse kwita Magufuli ‘umunyagitugu’ yarashwe
Umudepite ukomoka mu ishyaka ‘Chadema’ ritavuga rumwe n’ubutegetsi yarasiwe hafi y’urugo rwe mu mujyi wa Dodoma arakomereka.
Depite Tundi Lissu uzwi cyane kubera kutavuga rumwe n’ubutegetsi yari amaze iminsi agejejwe mu rukiko kubera amagambo yavuze y’uko Perezida Joseph Pombe Magufuli ari umunyagitugu.
Minisitiri w’Umutekano w’imbere mu gihugu, Mwigulu Nchemba, yavuze ko uwarashe Depite Lissu ataramenyekana nkuko Voice of America yabitangaje.
Mwigulu yabwiye abanyamakuru ko Guverinoma iraza gusohora itangazo nimara kubona raporo yo kwa muganga. Bivugwa ko Depite Lissu yarashwe mu nda, ku kuguru no mu kuboko.
Lissu yari yagaragaye mu Nteko Ishinga Amategeko mu masaha ya mu gitondo kuri uyu wa Kane, bikaba bikekwa ko yarashwe avuye ku kazi.
Depite Tundi Lissu uzwi cyane kubera kutavuga rumwe n’ubutegetsi
