PS IMBERAKURI :ITANGAZO RIGENEWE ABANYAMAKURU N° 003 /PSI/2018

UMUYOBOZI W’UMUTEKANO MU MUDUGUDU WA BUHORORO N’UMUPOLISI SIMON

MU MUGAMBI WO GUHOHOTERA BWANA YUMVIHOZE CELESTIN

Rigarutse ku makuru twabatangarije kuwa 24 Kamena 2018 ku byerekeye ihohoterwa

Bwana Yumvihoze Celestin akorerwa n’inzego z’umutekano zo mu Akagali ka Kagugu,

Umurenge wa Kinyinya ;

Ishyaka PS IMBERAKURI riratangariza Imberakuri, Abanyarwanda ndetse n’Amahanga ibi

bikurikira:

Ingingo ya 1:

Ishyaka PS Imberakuri ribabajwe kandi ritewe impungenge n’ihohoterwa rikomeje gukorera

Bwana Yumvihoze Celestin, Prezida wungirije w‘ishyaka PS Imberakuri mu mujyi wa kigali.

Amakuru akomeje kugera kw’ ishyaka PS Imberakuri n’uko kuva yafatwa kuwa 24 kamena

2018 ubwo yajyaga ku kazi, nta burenganzira na busa yigeze abona haba kumenyeshwa icyo

azira cyangwa kugezwa imbere y’inzego z’ubucamanza zizwi none icyumweru cyose kikaba

kihiritse afunze nta dosiye.Twakwibutsa ko Bwana Yumvihoze ,yafashwe n’ushinzwe

umutekano mu mudugudu wa buhororo ari kumwe n’abanyerondo ndetse n’ umupolisi bita

Simon baturanye. Amakuru akomeje kutugeraho n’uko iri fatwa ngo riri mu mugambi

wakozwe n’uwo mupolisi unakora akazi k’ubushoferi muri polisi,mu gihe abaturage babazaga

icyo azize ngo uyu mupolisi yavuze ko yigeze kubona Yumvihoze avugana n’umugore we bita

NYIRAFARANGA Solange bahuriye mu kabali k’aho batuye ari byo yise ngo kumuvogerera

urugo. Aha rero bikaba bitumvikana niba ari icyaha yari akoze koko ukuntu ibyo byaba

byarabaye kumugaragaro ntafatirwe mu cyuho kandi rubanda yararebaga ahubwo agategwa

igico mu ijoro yewe nta n’impapuro zimufata abo bari bafite.

Ingingo ya 2:

Rishingiye kuri izi mpamvu zavuzwe haruguru, Ishyaka PS Imberakuri risanga bwana

Yumvihoze agomba gufungurwa nta yandi mananiza. Rikaba riboneye ho umwanya wo

kwibutsa inzego za Leta, ari izo ubutegetsi cyangwa iz’ubucamanza kurenganura Yumvihoze.

Leta nyayo ntabwo iberaho abayikomera amashyi gusa, igomba no kuzirikana ko kunenga

cyangwa kunengwa ari uburenganzira bw’ibanze bwa buri kiremwa muntu. Tuboneyeho

kandi umwanya wo guhumuriza Imberakuri n’Abanyarwanda muri rusange, nta kabuza, aka

karengane kadukorerwa ko tugomba kukaruhuka kakazajya kibukwa nk’amateka.