Nkurunziza niwe WATSINZE Amatora ya Perezida n’amajwi 69%

Kuri uyu wa gatanu, Pierre Claver Ndayicariye umuyobozi wa Komisiyo y’amatora i Burundi niwe watangaje imibare y’ibanze y’ibyavuye mu matora y’umukuru w’igihugu i Burundi. Ushyize hamwe amajwi yavuze mu Ntara 18 z’u Burundi, Perezida Nkurunziza niwe wongeye gutorerwa kuyobora u Burundi agize amajwi 69% akurikirwa na Agathon Rwasa wagize amajwi 18%, naho ubwitabire mu gihugu buri kuri 73%.

Ndayicariye yavuze ko aya majwi atarongerwaho ay’Abarundi batoreye mu mahanga nk’uko bitangazwa n’umunyamakuru wa RFI uri i Bujumbura.

Mu gutangaza aya majwi hari ba Ambasaderi b’ibihugu by’Ubushinwa n’Uburusiya mu cyumba byabereyemo. Nta b’ibihugu byo mu burengerazuba bahagaragaye uretse intumwa zabo.

Aya majwi yagiye atangazwa hakurikijwe buri Ntara uko byagenze. Mu Ntara nyinshi Pierre Nkurunziza yaje imbere cyane ya Agathon Rwasa usa n’aho ari we gusa bari bahanganye.

Mu Ntara za Bujumbura Rural no mu Rumonge niho Agathon Rwasa umukandida utavuga rumwe n’ubutegetsi yarushije amajwi Perezida Nkurunziza.

 

Izi ni zimwe mu Ntara n’amajwi aba bakandinda bagize;

Rumonge : 41,54% ya Rwasa. 37,03% ya Nkurunziza.   Ubwitabire: 61,31%.

Ngozi (iwabo wa Nkurunziza aho yatoreye) : 79% ya Nkurunziza. 13,91% ya Rwasa. Ubwitabire: 91,99%

Mwaro : 56,34% ya Nkurunziza. 23,84% ya Rwasa. Ubwitabire: 57,22%

Muyinga : 73,30% ya Nkurunziza. 17,96% ya Rwasa. Ubwitabire: 88,39%

Cibitoke : 69,34% ya Nkurunziza. 21,07% ya Rwasa. Ubwitabire: 83,02%

Gitega : 71,50% ya Nkurunziza. 17,43% ya Rwasa. Ubwitabire: 72,70%

BujumburaMairie : 43,11% ya Nkurunziza.  40,70% ya Rwasa. Ubwitabire: 29,75%

Ruyigi : 66,42% ya Nkurunziza.  21,42% ya Rwasa. Ubwitabire: 79,17%

Muramvya : 76,08% ya Nkurunziza. 12,32% ya Rwasa. Ubwitabire: 81,02%

Makamba : 62,38% ya Nkurunziza. 19,07% ya Rwasa. Ubwitabire: 67,97%

Kirundo : 77,47% ya Nkurunziza. 14,80% ya Rwasa. Ubwitabire: 87,05%

Rutana : 73,06% ya Nkurunziza.  14,83% ya Rwasa. Ubwitabire: 79,81%

Karuzi : 84,60% ya Nkurunziza. 6,91% ya Rwasa. ubwitabire: 89,07%

Kayanza : 76,76% ya Nkurunziza.  11,52% ya Rwasa. ubwitabire: 85,01%

Bubanza :78, 32% ya Nkurunziza. 15,45% ya Rwasa. Ubwitabire: 85,92%

BujumburaRural : 42,94% ya Rwasa. 39,91% ya Nkurunziza . Ubwitabire: 63%

Bururi: 40,67 ya Nkurunziza, 36,69% ya Rwasa. Ubwitabire: 37,72%

Cankuzo : 70,74% ya Nkurunziza. 10,08% ya Rwasa : Ubwitabire : 76,41%.

 

Pierre Claver Ndayicariye  yavuze ko nta gitunguranye ko Pierre Nkurunziza yatsinze amatora ko ahubwo icyatunguranye ari ubwitabire (buri hejuru) bw’Abarundi mu matora.

Yatangaje ko irahira ry’uyu mukuru w’igihugu riteganyijwe bitarenze tariki 26/08/2015 cyangwa mbere yaho.

Manda ya gatatu Perezida Nkurunziza atorewe yateje impagarara n’imidugararo mu gihugu kubera bamwe mu baturage n’abayobozi batari bashyigikiye ko yongera kwiyamamaza.

Coup d’etat yapfubye, ubushyamiranye n’amakimbirane hagati y’impande za Leta n’abayirwanya bwatumye hapfa abarenga 150 naho abarenga 100 000 nabo bajya mu buhungiro, abenshi mu Rwanda