Mugihe tugitekereza kuri Repubulika Iharanira Demokarasi ya Kongo nshya , iyobowe na Felix Tshidekedi  , ijambo ” alterance ” ( guhererekanya , gusimburanya)  ryagarutsweho cyane n’ abasesenguzi  ba politike  batandukanye bavuze kuri aya matora ya Kongo yo muri  2018 .

Nkuko bimaze kuba akamenyero mumatora yo muri Afurika , intsinzi ya Bwana Felix Tsisekedi izaregwa munkiko  nyuma y’ impungenge zizaterwa n’ abataranyuzwe n’ uko gutsinda amatora  kwe kwatangajwe na CENI ariko ntibizatangaza abibuka uko byagenze muri Kenya na Zimbabwe vuba aha kubona Bwana Martin Fayulu abuze uko ashesha  ibyatangajwe na CENI kabone niyo yaba afite  40 000 z ‘abagabo ba kiliziya Gatulika  .

Hari abavuga ko Tshisekedi yahawe ubutegetsi  nk’ igihembo kumubyeyi we Etienne Tshisekedi wari uzwi  nk’ umunyepolitike utavuga rumwe na leta  igihe kirekire  aliko  njye mbona bitaba ibyo gusa.

Muby’ ukuri  uku guhererekanya ubutegetsi  gusa nkaho ari amabwiriza ngenderwaho mashya  yashyizwe imbere n’ uyu muryango  ukomeje kugenda ugaragaza ubwiyongere mu imbaraga z’ imitegekere n’ ingengamiterere  muri politike n’ ubukungu n’ iterambere ku isi.

Ubusanzwe impinduka mubutegetsi yagirwagamwo uruhare n’ ibihugu bya ba mpatsibihugu mu irushanwa  ryo kwikubira ubukungu  n’ ubutegetsi muri Afurika ;  ibivuye muri aya matora  bigaragarije  mpatsibihugu ko BRICS ( association y’ ibihugu bitanu bigeze kurwego rw’ ubukungu “bufatika ” ku isi: Brazil, Rusiya, Ubuhinde , China na Afurika y’ Epfo) atari iyo gusuzugurwa.

Bwana Martin Fayulu yakunze kwitwa” candidat” w’ Ubumwe b’ Uburayi ; kuba  imiryango ya SADC n’ Ubumwe bwa Afurika ( AU ) yarakiriye instinzi  ya Bwana Tsisekedi ni ikimenyetso  gikomeye kitwereka  imbaraga ziri inyuma y’ ibyemezo muri politike n’ ubukungu  bigiye kuzagenga akarere k’ ibiyaga bigari mumyaka 10-20 iri imbere .

Afurika  n’ isi byinjiye mubihe bishya .

 

Noble Marara