Bati tugomba gukomereza aho bari Bagejeje tugashyiraho imirongo ntarengwa ntihagire uhemukira undi.
Abantu bakomeza kuva ishyanga baririmba bifuza amahoro abo tuhasanze bati tuzi imbere n’inyuma yibiba hano tuti
nimutwereke amabi tuyasenye ameza tuyubakireho.
Baratubwira bati abari hano sibabi bose harimo abagome aliko hari n’imfura muribose, nuko yambaye neza ati ninge uyoboye mukore ibyo mvuze ntanama nkeneye.
Turumirwa duti kuki adakeneye inama kandi ba data na sogokuru baradutoje gutega amatwi ndetse tukumva inama.
Nuko yambara amadarabindi aratubwira ati ntanumwe ugomba kunvugisha bavuze ko arinjye ukomeye ndetse ugomba kuyobora mwumve ngyewe nabo mbahaye kubayobora kandi ntimukanvugishe ndakomeye muzavugane nabo nagbo mbabwiye kubayobora nuko turumirwa.
Aduha abashumba babiri Ruvakwaya na Rubakuba basuzugura bakuru babo banga kubumva kuko bavuganaga nuwambaye amadarabindi.
Ruvakwaya ahorose cyane afite igihunga ateruye ibuye nibinonko naho Rubakuba ateruye agakapu namakaye nikaramu ya Bic yandika ubururu.
Batangira gutanga amabwiriza ntasoni bafite batibuka bakuru bacu barashira bazamura utumasa dushimishwa nokwambara impeta zo kuntugu aliko ntamitekerereze nyayo ireba ejo hazaza.
Mbwira uwo twiganye mu bwana ntibi n’ibiki ati nugukurikira kuko nubundi baraturuta, ntese ko bakuru bacu alinabo bakuru babo bavugaga ibindi ati kurikira amabwiriza naho ubundi turahagwa.
Binyanga mu nda nvugana nabize amashuri menshi nabo bati nugurikira, binyanga munda nvugana nuwarindaga bakuru bacu nvuze bidahuye akongeza itabi ryitwaga yes azunguza umutwe aragenda.
Negeri undi warufite amateka yakera akongeza itabi ryitwa SM ryagurwaga nabakungu bakundaga impamvu duteruye ibikoresho nawe arangendana.
Ngaruka murubyiruko rwange ngo dukore icyo tubwiwe, nuko iminsi iricuma bakatubwira ko ikibazo ngo kigiye kurangira.
Imyaka irashira iyindi irakurikira hanyuma rimwe murukerera ishyano riraba.
Amahano akurikirwa nokutubwira ko uwarimbye wambaye neza ariwe mutware, bati nimokome mumashyi mubyine mufunge imihanda.
Muvuge ibi kandi mwemeze ibi ndetse dutunganirwe, bitwanga munda duti hari impfubyi ndetse hari abahemu kandi hari ibisambo.
Bamwe barafungwa abandi barakubitwa babahora kobavuze ibitavugwa.

Amaraso arameneka imiborogo ndetse impfubyi ziragorwa, ibintu birahinduka bati abaturanyi baratwumva ndetse nabakure barumva mwebwe ntimukavuge.
Inzu yacu igomba kubakwa tutarebye ibyabaye ndetse umuturanyi uzabangamira iyinzu yacu nakazi ke, bati twanasahura
umuturanyi aliko tugasa neza ndetse tukubaka inzu ndende.
Muzane isabune kandi twoze hose hase neza twerekane ko ntacyabaye hano hatazagira udusuzugura.
Nuko bati udashyigikiye ibyo tuvuga agomba gucececeka cyangwa agacecekeshwa, abantu bakwira
imihanda rwihishwa baragenda abandi baburirwa irengero.
Cyera harabaye abaturanyi baraganira bati uriya mugabo urimba arahombya arasuzugura arahonyora arashimuta tugomba kumushakira umuti, uwamwimitse akamuha inzu akita akazu kuzuye urwango agenda mubandi
baturanyi ndetse nabaturanye namasamake aramugambanira amwangisha aboyari yaramweretse ishyano riragwa.


Umugabo urimba wambaye neza yinjira munzu arakinga aricecekera ati bazaze bansange hano reka mbanze mbareke abaturanyi ndebe icyerekezo cyabo.


Nzahoraho Silvestre