Mukarere k’Ibiyaga Bigari haranuka uruntu runtu
Gahunda yo gucyura impunzi z’ abanyarwanda ziri mukarere k’ iiyaga bigari , by’ umwihariko muri Kongo ishobora kuba ihatse byinshi tutarasobanukirwa .
Icyo tutashidikanyaho nuko amatora y’ umukuru w’ igihugu yo muri Repubulika Iharanira Demokarasi ya Kongo ahangayikishije akarere kose kuburyo aramutse avuyemo kutumvikana bigakurura imirwano , nayo ikavamo intambara ( http://burundi-agnews.org/afrique/burundi-la-ceeac-informee-du-projet-de-destabilisation-regionale/ )ikomeje kugarukwaho nkiyiteguwe n’ ibihugu byose bigize ibiyaga bigari byatungura bacye!
Ukurikije ibyandikwa n’ ibinyamakuru bya leta y’ u Rwanda, kubiba urwikekwe hagati y’ u Rwanda n’ ibihugu by’ abaturanyi bigeze kure. ( https://chimpreports.com/exclusive-uganda-responds-to-rwanda-on-complicated-relations/ )
U Rwanda rurashinja Uganda n’Uburundi imigambi mibishinja n’ akagambane kuburyo buteye impungenge.
Ikinyamakuru cy’ iperereza ry’ u Rwanda Rushyashya kirandika kiti :
“Ibi bibaye nyuma y’Amakuru avuga ko Abayobozi b’inzego z’umutekano za Uganda batangiye gufatanya n’igihugu cy’u Burundi mu mugambi wo guhungabanya umutekano w’u Rwanda.
Aya makuru aravuga ko kuri ubu u Burundi na Uganda byatangiye ubufatanye bwimbitse bwo gushyigikira agatsiko kwose k’abanyabyaha katangiza ku mugaragaro intambara ku Rwanda, aho bivugwa ko mu gihe ibi bihugu byombi bisanzwe bivugwaho gukorana bya hafi na Kayumba Nyamwasa wa RNC, kuri ubu byatangiye no gufatanya gushyigikira umutwe w’inyeshyamba wa Paul Rusesabagina.
Inyenyeri yashoboye kubona amakuru avuye munzego z’ umutekano za leta y’ u Rwanda aho twabajije icyo Generali Ibingira yaba yarakuriwe kubuyobozi bw’ inkera gutabara yari ariho kuva 2010, uwaduhaye amakuru adusubiza mumagambo macye agusha kuntego ati : “uwavuga ko ( u Rwanda) rwiteguye intambara ashobora kuba ataba yibeshye.”
Mbibutse ko amatora y’ umukuru w’ igihugu muri Repubulika iharanira Demokarasi ya Kongo ategerejwe mu mpera z’ ukwezi gutaha .
Abwirwa benshi akumva beneyo!
Christine Muhirwa
