Imitwe Ya Politiki Nidashyira Hamwe Kagame Azakomeza Atugaraguze Agati
Ntakintu kibabaza nkokubona ibiriho hirya no hino kw’isi muriki gihe noneho ukareba nibiriho mu Rwanda, I wacu I rwanda usanga bamwe mu baturage bashimishwa n’ibiriho ndetse bakumva ko ngo ibyo FPR ibagaragariza aribyo ndetse ko ngo aramajyambere, cyakora ikibabaje nuko abenshi mu baturage batagira ninzara zishima, kandi koko uko abari kubutegetsi babibona siko bimeze.
Ngaho dore uko amahanga atwibuka mu mateka
Yego koko haribyo FPR itugejejeho kandi bikenewe ariko kandi ntanubwo mbona hari interuro iranga ubumwe bw’abanyarwanda igaragara kuko byinshi mubyo turangariye nibyi gihe gito.
Uti impamvu nvuga ibi niyihe?
Ikibazo kingora kwemera ntanubwo kiri muri FPR gusa ahubwo kiri ku Banyarwanda muri rusange, yego mama abanyarwanda barashonje arikose koko turemeye tubaye ba mpemuke ndamuke aho dukomeje kwicana kubera inyungu zabategetsi.
Habayeho Parpehutu yitirirwa abazungu ko ngo aribo batumye dusubiranamo. Habaho Genocide iyo nayo ngo yatewe na leta mbi yariho icyo gihe, noneho hakurikiraho ubwicanyi bwakorewe abanyarwanda muri rusange ndetse naho bahungiye muri Congo, kandi bicwa nabakagombye kubungabunga umutekano wabo. Ubu noneho ubwicanyi ntabwo butoranya amoko cyangwa isano ahubwo bureba uwariwe wese udakoma mu mashyi.
Hakomeje kugaragara ibibazo byinshi byurudaca mubihe bitandukanye, nurujijo bishingiye k’ ubumwe n’ubwiyunge bukomeje kuba ingorabahizi mu Rwanda, leta y’urwanda yafashe icyemezo cyogutangiza puloje zitandukanye. Murizo puloje hagaragayemo iyitwa Ndumunyarwanda ikaba yaramaganywe n’abanyarwanda mu gihugu ndetse nabatuye hanze, kubera kuba yaratangiye ihatira abana ba bahutu gusaba imbabazi ngo kuko ababyeyi babo cyangwa bene wabo bahemukiye abanyarwanda bakomoka mu bwoko bwabatutsi, muriyo gahunda leta ya Kigali yemeje ko amoko atakiriho mu Rwanda ndetse abanyarwanda bose bagomba kwibagirwa ubwoko cyangwa se amasano.
Abanyarwanda bo bakaba bakomeje kwamagana ibi bikorwa ndetse benshi bemeza ko bibasubiza inyuma murwego rwo kugera ku bumumwe n’ubwiyunge, bityo rero nyuma yogukurikiranira hafi uru rujijo leta ya Kigali ikomeje gushyira mu banyarwanda, abatuye mubihugu bitandukanye ku mugabane w’uburayi bakomeje gushyira hanze inzandiko zamagana icyo gikorwa ariko kandi leta ya Kigali yakomeje guhindagura ibyo iba yavuze, nkuko ibyatangiye ari Youth Connekt bisigaye ari ndumunyarwanda ishingiye ku bumwe n’ubwiyunge, ariko kandi iyo gahunda ikaba yari yatangiye ariyo guhatira abahutu gusabira imbabazi ibyaha batakoze.
Ibyo bikaba ar’ikimenyetso cyuko imikorere ya Kigali iba yuzuye ubugome gukandamiza ndetse nurujijo, cyakora kandi nkaba mbona ko na banya politiki bahakanya leta ya Kigali haribyinshi basabwa kureba neza.
Uti nibihe, leta ya Kigali yemeza ko yakoresheje ubumwe nubwiyunge busesuye ndetse ko abanyarwanda babanye neza, cyakora ntibibuza inyandiko zurudaca zerekana ko imibanire y’abanyarwanda ikomeje kugaragaramo ubwikanyize ubugome buteza gufungwa kudafite ishingiro. Ubwo nukuvuga guhatira abacikacumu gushinja abatarishe cyangwa guhatira bamwe mu baturage kwiyita ingabo za FDLR bagashinja abanya politiki ko ngo bakorana nabo kugirango bareke FPR ikomeze iyobore u Rwanda abandi bafunzwe.
Uwakwandika ibibazo by’urwanda ntiyabirangiza, cyakora igishimishije nuko abanyarwanda benshi basigaye bakulikiranira hafi ndetse ugasanga barasobanukirwa imva n’imvano z’ibibazo U’ Rwanda rurimo. Nubwo bwose kenshi bavuga bongorera ariko gusobanukirwa amacenga ya FPR benshi babigezeho.
Mu Rwanda twamenyereye ko leta ya FPR igomba gufunga cyangwa ikica uwo ariwe wese ishatse igihe ishakiye, aliko se amashyaka avuga ko ahakanya ubwo butegetsi buri mu Rwanda yo usibye kuvugira hanze, ikindi badufitiye nikihe? Ngewe kimwe mubinyobera nukuba amwe mu mashyaka abayobozi bayo batavugana, cyangwa ugasanga ubwabo nibo bahanganye. Maze abanyarwanda bati Kagame arakomeye, ntabwo akomeye ahubwo habuze guhuza mu Banyarwanda, nimuhure muvuge rumwe nkuko mubyandika kuko iyo turebye inyandiko zanyu tubona ari zimwe, ikibura nugushyira hamwe. Nyamuneka Amashyaka arenga makumyabiri, adashyize hamwe kandi yandika bimwe rimwe na rimwe ashobora kujija abantu bacu aho kubafasha gushyira hamwe. Ibyo bikavuga ko niba mudashyize hamwe tuzakomeza kudihira rukwaya, ubundi leta ya mabandi igakomeza ikatugaraguza agati, yitirira icyaha abana bari ibitambambuga cyangwa bataravuka igihe ubwicanyi bwabagaho m’urwanda. Nibindi nibindi.
Mukakibibi Dorothy
Ngusubize mu magambo make,
Amashyaka arwanya ubutegetsi bwa FPR ntashobora kuvuga rumwe, kuko nta shyaka narimwe rirashyira ahagaragara ikibazo abanyarwanda bafitanye. kuko yose atera ashyira ku binyoma FPR barwanya yashyizeho bikaba ari nabyo bituma nta n’abayoboke abona. Niba wari mu rwanda usubize amaso inyuma urebe ibintu byabaye hagati y,umwaka 1987-1994 abenshi birengagiza, kandi burya ushaka guhuza abanyarwanda yasesengura icyo gihe akabona igisubizo cy’ibyabaye ku banyarwanda no guhagarika ibinyoma n’iyo opposition uvuga igenderaho.
Ubaye utibuka ibyabaye icyo gihe wabaza ubizi akazakwibutsa.
mbega ubugome. mbega amacakubiri !!!!!!uyu uvuga ko ikibazo kiri mu banyarwanda bose ubwo arifuza kurimburaabanyarwanda bose ra? aba batifuza ko u Rwanda rutera imbere jye baransetsa. mu Rwanda ibibazo bihari ni ibijyanye n\’imyumvire twishyizemo kandi nitwe tubyitera. turamutse twemeye ko u rwanda rwavuye ahabi kandi rugeze heza byadufasha. ikindi kandi turamutse twemera ko nk\’igihugu cyavuye ahabi , ubu tukaba turusha ibyiza bimwe mu bihugu bitanahuye n\’ibibazo nk\’ibyacu. ub u rero muve mu matiku ngo KAGAME n\’agatsiko, n\’ibindi bitadufasha na gato mu iterambere. jye ndemera ko mu Rwanda hari bimwe mu byo twashakaga kugeraho mu majyambere ,tukaba tutarabigeraho . kutabigeraho ntibyatewe n\’uyu cg se uriya ahubwo twese biratureba. dufatanye rero maze dukore kuruta uko ,tuvuga, dusigasire ibyiza byagezweho maze turusheho kugana aheza
Ibibazo biri hagati y’abanyarda nta n’umwe urabigaragaza,” u RWANDA RWABAYE NKA WA MURIMA UHINGWA MAZE ABAHINZI NTIBAMAREMO URWIRI, MAZE BAGATERAMO IMBUTO KANDI ARIKO BASHAKA N’UMUSARURO MWINSHI ”
Ntabwo igikenewe ari AMAJYAMBERE, hakenewe kumenya agaciro k’ikiremwamuntu, kutumva ko ubwoko runaka buruta ubundi, kutikubira haba ibintu cg ubutegetsi, kutagira IGIHUGU NKAHO ARI PRISON NO KUTARANGWA N’IKINYOMA( nka ya mayeri ngo arenga 1000 ya FPR inkotanyi) naho wowe urata amajyambere ibitekerezo by’umutwe wawe biracuramye nk’iby’abayoboye u Rwanda rw’ubu, nta kiza na kimwe mu gihugu gifite abayobozi badashobora no gukurikiza amategeko bishyiriraho ubwabo, kuko ari agatsiko gato kaba kabigizemo uruhare akaba ari nayo mpamvu biba ingorabahizi kuyakurikiza.
kuki uhindura inyandiko mu buryo butajyanye n’igihe zandikiwe pumbavu, inyenzi muracyakomeza kwiyoberanya
Iyo abantu bavuga urwanda wagirango rwatagiye kuremwa 1990. Yobavuga ubugome bukorerwa abanyarwanda sukuvuga ko batazi histoire yu Rwanda. Ntamuntu utakwishimira kubaho nokurambira mugihugucye. Gutera imbere birimo guca umutwe yabantu niterabwoba bigamije kwigira igitangaza . Abanyarwanda muve muri gahutu gatutsi bigamije guha umwanzi wamahoro kagame kuramba mubwicanyi adukorera.