Utazi Agakura Abaga Umutavu: Kagame ati abana ba bahutu ni basabe imbabazi

Umutavu: Ni umwana w’inka,cyangwa inyana

Kubaga: Ni ukwica itungo ugakatakata mo inyama cyangwa ibice by’umubili wayo, kugirango urye izo nyama.

 

 

Tuvuze  ko ari ukutamenya kw’abayobozi ba FPR iri kubutegetsi mu Rwanda aho bahamagarira urubyiruko rw’ubwoko bumwe gusaba imbabazi zibyaha batakoze,kugirango bazahorane ubwo bwoba bwo kwiyumvamo ko ari abicanyi, maze agacinyizo no kuryamirwa kuri bo bihabwe umugisha n ‘agatsiko kabifitemo inyungu , ntabwo byaba aribyo kuko ubwo buyobozi buzi neza ko bwubakiye ku kinyoma kandi ko aribo nyirabayazana bw’ubwo bwicanyi bwibasiye inyoko muntu ndetse nabo bakaba banashinjwa ubwicanyi nk’ubwo , bakoreye mu RWANDA ndetse no muri KONGO nkuko MAPING RIPOTI YA ONU ibivuga.

Ubwo buyobozi bwa FPR buzi neza ko i mvugo nk’iyoitabahesha agaciro kuko Umuryango IBUKA wahereyeko ubyamagana ndetse uvugako abarokotse bose bahishwe n’ubwo bwoko umuyobozi w’uRwanda agerekaho ubwo bwicanyi ko iyo hatabaho abo Bantu nta numwe uba wararokotse . birumvikana ko bitari gushimisha UMWIDISHYI ariko baratinyutse barabihamya dore ko kuvuga ukuli mu Rwanda ari icyaha .

Namwe murabyumva ko bari bavuguruje ubugira kabili ibinyoma by’ingoma nyidishyi aho ibeshya amahanga ko yahagaritse ubwicanyi kandi ikaba yaranarokoye abarimo bicwa!!! Ni mwumve namwe ivuguruzanya ry’abanyakinyoma bicaye kuntebe i KIGALI.Abahutu nibo bahishe abarokotse nk’uko IBUKA ibihamya naho FPR YO ikaba ariyo ibyiyitirira.FPR iti abana babahutu nibahaguruke basabe imbabazi zibyaha byakozwe na byeyi babo na ba sekuru ,IBUKA iti sibyo ahubwo imbabazi ni zisabe abakoze ubwo bwicanyi. Ikinyoma gitera kurwara muzunga.

Gucamo urubyiruko rw’igihugu mo kabili utegeka bamwe guhora bububa mugihugu cy’abo kubera urustyo rushyushye wabahekeshe kandi bazahora bahetse ndetse n’abazabakomokaho nabo bakaruheka kandi rukababuza kugira ubwisanzure n‘umutima utirega ibyaha bidasaza bazasigira n’abazabakomokaho bose ntabwo bitegura akazoza k’u Rwanda rw’ejo ,ahubwo bitegura ibagiro ry’abana b’u Rwanda bejo hazaza aho kurubeshya ko URUBYIRUKO ARIZO NGUFU Z’URWANDA ZIZABAGEZA KUMUGAMBI WO KWIGIRA NO KWIHA AGACIRO.

Ngaho namwe nimumbwire ukuntu uyu mugambi wagerwaho warangije kubaga urubyiruko(umutavu)!!wakwigira ukagira n’agaciro gute bataguhaye ibituma ukura neza nk’uko umubyeyi wese afite munshingano ze kurera no gukuza uwo yabyaye(umutavu)?None se umubyeyi urobanurira kubutoni abana yabyaye akabacamo ibice ababibamo amacakubiri nibyo bisobanura kubaka ingufu z’uRwanda rw’ejo? Niko kwigira no kwiha agaciro?

Njye siko mbibona ni ikinyoma kigamije kwihisha inyuma y’ubwoko wigwizaho imitungo y’igihugu kandi ucukura icyobo hagati yiyo mitavu.

Igihe kirageze ko urubyiruko rulimo rukandamizwa ruhaguruka rugashyira ingufu zarwo hamwe kugirango iryo shyiga rishyushye baruhekesha kuzageza no kubarukomokaho bose ko baritura hasi bagaharanira uburenganzira bwabo no kugaragaza ko ari abere, ko bidakwiye nabusa gusaba imbabazi zibyaha batakoze , mugihe ababikoze aribo babahatira kuzisaba.Biteye agahinda rwose .

Igihe ni iki kandi ko urubyiruko rushukishwa gutoneshwa ko barimo barushuka nta kazoza abayobozi ba FPR barutegurira kuko ahubwo barimo baruteza bene wabo babanyarwanda bakomeje gukandamizwa n’ubutegetsi buriho bwiyibagije ko hazabaho igihe ibyo bibatandukanya by’ubusumbane bizabatera kubipfa byose bikazahinduka umuyonga kuko bananiwe kubisangira mumahoro n’ubumwe.

Inama mbagira ni uko mwahagurukira hamwe mukavugisha UKULI ku mateka y’uRwanda kandi mugakosora ibyo ingoma zabanjije zagiye zibeshya dore ko burya histoire (amateka) yandikwa ahanini n’umaze gutsinda kuko uwatsinzwe we nta jambo aba agisigaranye.Ngibyo ibinyoma by’uburozi bukomeje kumara abana b’uRwanda no kuruhekura.

IMPAMVU ni iyihe kuba Urwanda nta BA LEADERS RWIGEZE RUGIRA kugeza ubu. Ingero ni nyinshi reka tuvugemo zimwe. -Ese nkamwe banyarwanda babirabura mugaragara ko mutaracuya ,iyaba ibi bihugu by’abazungu dutuyemo hatariho amategeko ahamye aba bazungu nti baba baratujanjaguye koko? Hari numwe uba agihumeka? Tubeshejweho ni uko hari ho itegeko litulinda likomeye litinjilirwamo n’igisilikali na politiki. -Kuri PAUL KAGAME umukuru wa FPR akaba na perezida w’u Rwanda yibwira ko kuva 1959 kugeza 1994 uRwanda  rutabagaho ko rwatangiye kubaho kuva aho FPR ifatiye ubutegetsi! Biteye isoni n’agahinda kuko icyo ari ikinyoma cyambaye ubusa kuko ibyo ataribyo. Ahubwo FPR na PAUL KAGAME biyemeje guhindura amateka y’uRwanda munyungu z’ishyaka n’agatsiko k’abaheza nguni bubwoko bumwe bagamije kuyobya imitavu (urubyiruko) munyungu zo kugundira ubutegetsi no kwigwizaho imitungo y’ abanyarwanda, mu ntumbero yo kubaka ubudahangarwa bw’ubwoko bumwe bw’abanyarwanda.

Nguko uko Nyakubahwa Perezida w’uRwanda na FPR ayoboye barimo bategura IMITAVU (urubyiruko) nk’imbaraga z’u Rwanda rwejo zizabageza kumugambi wo KWIGIRA no KWIHA AGACIRO!!!

• Nta gaciro gashingiye kumacakubiri
• Nta gaciro k’agacinyizo kubwoko bumwe gacundira amata ubundi bwoko
• Nta gaciro gaca urubyaro
• Nta gaciro gaca hejuru y’ukuli
• Nta gaciro gacumbitse ku mujinya
• Nta gaciro gaca kwibagirwa ngo ubabalire
• Kagacumbikira kwibuka ngo wihorere
• Maze icumu ligacura inkumbi igihe cyose
• Nta gaciro gacura amacumu y’inda
• Mundaro z’abagacumbikiye mu nduru
• Nta gaciro gaca amahoro mukarere
• Kagacura inkumbi mubacundiye amata
• Aho basangira amaraso ntibasangire amata
• Nta gaciro gaculika icumu,gacukukurira
• Imitavu ngo karimo kayicurira ejo hazaza!

Nubwo inama ku bayobozo b’u Rwanda ibatera uburakari bw’umurandura nzuzi Mbona byaba byiza ku nyungu zabo bwite niba bakili imfura zishishoza ko FPR na perzida w’u Rwanda Nyakubahwa PAUL KAGAME kugira ubutwali n’umutima w’imfura agahumura amaso akayarenza izuru akareba ubwiza bwabo yikuliye munda nyuma akibuka n’abo Imana yamuhaye kurinda aribo banyarwanda bose akabarinda guhora mumyiryane y’ urudaca dore ko bitajya bihira abakomoka bose kubayoboye iki gihugu. Niba ashishoza narebe bene MUSINGA, bene Mbonyumutwa , bene KAYIBANDA, bene HABYALIMANA. None se ubu batunzwe  nibyo base bari barahashye? Nta byubahiro se bagize mu RWANDA?

Iyi yari IMPURUZA idahutaza niba amatwi yanyu atumva neza ubutaha tuzakoresha IMPANDA. Ni mugire ubutwali bwo guha AGACIRO iyi MITAVU yose kuburyo bungana nta kurobanurira kubutoni, nta gacinyizo gashingiye ku bwoko ko kwikoreza bamwe ishyiga lishyushye bazahora bahetse bakalisigira n’abazabakomokahao bose !!! Ibyo nsanga nta bushishozi ndetse nta n,ubupfura twabiha kuko abo utonesha utoneka abandi badashobora no kulilira ababo bapfuye umunsi bagize imbaraga byose bizaba umuyonga kubatoneshejwe. Dore urimo ubaga imitavu kuko utazi agakura .Abo utonesha muri iyi minsi ejo bazaba batonorwa n,abatawe hanze y’iwabo nk’uko byaranze ingoma zabanjilije iyo wicaliye.

Icyo nibutsa ni iki yemwe MITAVU,: Ibyaha byintambara n’ibyibasiye inyoko muntu ntibisaza kandi ntabwo bitegurwa no gushyirwa mubikorwa n’umuntu w’umuturage , ahubwo bitegurwa kandi bigashyirwa mubikorwa n’ubutegetsi ( institution) ni bwo rero bugomba kubazwa ibyo byaha si umuturage cyangwa umwana w’igihugu ku giti cye ukwiye kuryozwa ibyaha  nka biliya.Kuko nta bushobozi umunyagihugu yagira bwo gukongeza ubwo bwicanyi ruhonya nganda mu gihugu cyose.

Nkuko abayoboraga muri kiriya gihe babyiyemereye imbere y’urukiko mpamya byaha bili ARUSHA ndetse bakanabihanirwa nta mpamvu Umukuru w’igihugu PAUL KAGAME yabyirengagiza ngo agereke abana ba bahutu bose ho icyo cyaha mu ntumbero zo gukina umukino wa MAHAMA kunyama y’ihene aho ihinda cyane ngo zene wazo zidakoraho . aha nshatse kuvuga ko Nyakubahwa arimo akina politike y’amacakubili no guhekesha bamwe ishyiga lishyushye kugirango umwana w’umuhutu ajye ahora apfukamye imbere y’umututsi nta gire agaciro mu gihugu cye n,uburnganzira bwe buhore buhonyorwa. NTIBISHOBOKA RERO.

Iyi mvugo y’urukozasoni y’umukuru w’igihugu cy,u Rwanda ni umugambi mubisha wo KUTAMENYA AGAKURA UKABAGA UMUTAVU. Iyi mitavu yose ilimo ibagwa rero ntishobora kwidegembya mu gihugu cyabo ndetse no kubaheze hanze hagwiliyemo n’impfubyi ziciwe ababyeyi na FPR NABO NTIBASHOBORA GUTAHA KUBERA KO BOSE BISWE ABAGENOCIDAIRES (ABICANYI RUHARWA).

Iyo mitavu kandi nta bwo yakwiyumvamo ubutegetsi buriho bwa FPR mugihe bwahinduye amateka y,igihugu mu binyoma gusa gusa ngo nta Rwanda rwariho kuva 1959 kugeza mukwa kalindwi 1994!!!Ninde wataha mugihugu azahora yububa agahozwa kungoyi , ku mutuno no gutotezwa buri munsi uzira ibyaha by,abasogokuru bawe doreko nabo barenganyijwe niyi ngoma mpotozi aho bazize ibyaha byakozwe n’ubutegetsi bwariho mu w’1994 kandi n’umukuru wabo KAMBANDA akaba yarabyiyemereye ndetse bikamuhama akaba abifungiye muri MALI.

Urubyiruko rw’u Rwanda rukomoka mu moko yose ari abari mu gihugu n,abari hanze y’igihugu turatanga IMPURUZA kubayobozi ba FPR n,umukuru w’igihugu byumwihaliko nk’umubyeyi w’abana b’uRwanda ko igihe kigeze cyo kunamura icumu ry’amacakubili mubana b’uRwanda bitabaye ibyo , ibyo azabibazwa we n’abamukomokaho bose .Kandi ko bagomba kumenya agakura bakilinda kubaga IMITAVU. TURA TUGABANE NIWANGA BIMENEKE!!!!

 

Umwanditsi

Msamaria Mwema.

Montreal, Quebec Canada