Twitter yirukanye perezida Donald Trump wa Amerika kubera ukuntu amaze iminsi ashyushya imitwe y’ abayoboke be abashishikariza kwigomeka bakanga ibyavuye mumatora yatsinzwe!

Tariki 6 Mutarama 2021, bamwe mubayoboke ba perezida Trump bateye Capitol (inzu umuntu yagereranya nk’ inteko ishinga amategeko) , bamena amadirishya, bangiza ibintu byinshi, abantu barahakomerekera bikomeye , 5 muri bo bahaburira ubuzima. Icyo gitero cyabaye kuri Capitol cyatewe n’ amagambo yagiye akoreshwa na perezida Trump kuva ibyavuye mumatora bimenyekanye aho yakomeje kuvuga ko bamwibye, abwira abayoboke be ko bibwe amajwi kandi bagomba kwamagana iyo ntsinzi.

Abayoboke ba Trump n’ umupfumu wabo bitegura kwinjira muri Capitol
Ibendera ry’ aba “confederate” rikunze kwitwazwa n’abahezanguni bashyigikiye ikandamizwa ry’ abirabura.
Uyu mugabo ngo ni umupfumu wa Q.Anon, rimwe mu itsinda ry’ abahezanguni bashyigikiye Trump

Nyuma y’ icyo gitero kuri Capitol, perezida Trump yanenzwe gukomeza imvugo y’ ukuntu ngo amatora yayibwe kandi inzego z’ igihugu zose zemeza ko yayatsinzwe kuburyo bamwe mubo bari kumwe bagiye basezera kukazi, abandi bagakora inama yiga ku ukuntu bamuhagarika nubwo asigaranye iminsi micye kuri uwo mwanya none Twitter ibatanze gushyira umwanzuro mubikorwa!

Cartoon ya nyuma y’imvururu yerekana Trump n’ umupfumu wa Q.Anon bafatanyije mu ugutwika ibendera ry’ igihugu cyabo!

Nguko uko ibya Trump wagereranyije ibihugu bya Afurika n’ imisarani birangiye !

Samuel Kamanzi

Photos: France24, cartoon: internet