James Musoni Azize Min Akamanzi Muka Safari we Yarasanzwe ari uwe
Inkuru natwe tubyukiyeho kuri iki cyumweru ngo ni uko James Musoni yatwaye umugore wabandi, agashya ngo akanamutera inda.
Mbibarize, ninde uyobewe ko ubusambanyi ariwo mukino uhoraho muri FPR?
Erega ngo umwera uturutse ibukuru bucya wakwiriye hose!
Ubuse, Kagame ushyize Musoni kukarubanda ngo ni abagwe tuyobewe uwo amuziza?
Reka mbabarire inkuru uko iteye muve kuri ririya tekinika ry’ Igihe.com bashaka kutwogesha umutwe.
James Musoni ntawe uyobewe ko ari indaya y’umugabo ikunda abagore bikabije. Ruswa yigitsina niyo yiyakiraga kuko amafaranga yari yarayahaze rwose. Ni wamuntu utereka umugore iruhande akaba araguye.
Musoni ntabwo azira kiriya kiyuki, arazira Clare Akamanzi ,ihabara rya Kagame.
Musoni twamwitaga igikomangoma kubera ukuntu yari akomeye iyo ikambere. Umuntu yajyaga kumwitaba kuri telephone akabanza agahaguruka aho yicaye, singiye kubabeshya!
Yakoranaga byahafi cyane Na First Lady Yohanita Nyiramongi Kagame muri rya sahura nubucuruzi bya FPR bihoraho.
Nyiramongi rero amenye ako gakungu ka Kagame Na Akamanzi yoshya Musoni kugirango bakorane (na Akamanzi ) maze igipfayongo ngo ni umugabo, kiragenda kivogera ibya bihehe kitabizi.
Nyiramongi asubira inyuma arijomba bihehe amubaza icyo uwo minisitiri we wirirwa muri ubwo busambanyi amumariye.
Kagame yari asanzwe azi neza ko Musoni asambana. Ntabwo kandi yari ayobewe ko ari we na Mutangana basenye urugo rwa Diana Gashumba , cyangwa ko yiriraga abana bamuganaga bashaka akazi, cyangwa ko yasambanyaga abagore b’abo akorana nabo.
Kuba Cpt Safari ashoboye kumuvugira ahabona, ni uko Kagame yamutanze. Hari abandi benshi tutayobewe bagikingiwe ikibaba kandi ushobora no gusanga banarusha amakosa uwo Musoni uvanywe kw’ibere.
Nuko Captain Safari ati ibyaha bitatu birimo noguhemukira umukuru w’igihugu, nibyo koko.
Kagame yaramaze igihe yirira Akamanzi amurira mugitanda aruhukiraho mu biro ye dore ko Nyiramongi bya mubabaje cyane none Musoni abaye igitambo kandi yarahejwe na Nyiramongi.
Christine Muhirwa
Zimwe mu nkuru zaranze ubusambanyi mubuyobozi bwa Kagame
DR GASHUMBA YACIYE INYUMA UWO BASHAKANYE AKOMEZA KUZAMURWA MU NTERA
Dr. Diane Gashumba (uwa kabiri uvuye ibiryo) ni we Minisitiri mushya wa Migeprof
Dr. Diane Gashumba uzwiho kuba kutihesha agaciro aho yaciye inyuma uwo bashakanye agasambana na Jean Bosco Mutangana ahawe kuyobora MIGEPROF mu gihe yari Umuyobozi w’Inama y’Igihugu y’Abagore (NWC) guhera muri Kamena 2009; icyo gihe yahawe umwanya ari Umuyobozi w’’Ibitaro bya Muhima biherereye mu Mujyi wa Kigali.
Minisitiri Dr. Gashumba kandi yanayoboye Ibitaro bya Kibagabaga mbere yo kuyobora ibya Muhima.
Perezida Kagame kandi yashyizeho n’abandi bayobozi barimo Kamanzi Jackeline, Umunyambabanga Uhoraho muri iyi Minisiteri; Umulisa Henriette Umunyamabanga Mukuru muri Komisiyo ishinzwe gusezerera no gusubiza mu buzima busanzwe abasirikare, na Kayonga Jacques agirwa Umuyobozi mukuru w’Ikigega Agaciro (Agaciro Development Fund).
Dr Diane Gashumba wamenyekanye cyane murubanza rwe na Mutangana bahanganye nu muyobozi w’ikinyamakuru Umuvugizi Jean Bosco Gasasira.
Impamvu z’inkiko zikaba zaraturutse ku kuntu Mutangana atifuzaga ko hari ukomoza ku mu bano we na Dr Gashumba. Ubundi kandi bikaba byarabaye impamo ko Mutangana na Dr Gashumba ngo bombi bacaga inyuma yabo bashakanye, nubwo bwose bakomeje kubana rwihishwa ntibyababujije gufatwa mpiri. Nyuma byaje kumenyekana ko Dr Gashumba na Mutangana ko ikirego cyabo ntashingiro cyari gifite.
Akaba ari umwe mu bagore leta ya Kagame ishyize imbere mu kwihesha agaciro.
BAMWE MU BAKORESHA BATUNZWE AGATOKI GUFATIRANA ABAKOBWA BARANGIJE KWIGA
Bamwe mu banyeshuri barangije muri Kaminuza y’u Rwanda, baravuga hari bamwe mu bagabo bafatirana abakobwa barangije kwiga bakabakoresha ibyo bashatse.
Kuri bamwe bo banemeza ko kuba udafite uwawe ugufata ku kaboko ngo aguhe akazi, byaba ari inzozi nubwo Leta ibabwira kwihangira akazi.
Bamwe mu banyeshuri baganiriye n’ikinyamakuru izubarirashe.rw, bemeza ko nk’ubu iyo bamaze guhabwa impamyabumenyi ari bwo bamwe mu bakobwa bagwa mu bishuko byo gushaka akazi bagatanga imibiri yabo baryamana n’abagabo kugirango bakabone.
Ibi babivuze kuri uyu wa gatanu tariki ya 29 Nyakanga 2016, ubwo bahabwaga impamubumenyi kuri stade Amahoro.
Mu mpanuro Perezida Kagame yahaye aba banyeshuri, yababwiye ko baje ku isoko ry’umurimo aho bagiye guhanganira akazi ari benshi, gusa ababwira ko ari gake ugereranyije n’uko bangana.
Perezida Kagame yababwiye ko icyo bakwiye gushyira imbere ari ukwihangira imirimo bo ubwabo ahubwo gusaba akazi.
Abaganiriye n’iki kinyamakuru basanga bigoye.
Uwayo Christine urangije mu ishuri rya ISAE Busogo, kuri we agira ati “Muri rusange rwose udafite umuntu ugufasha mu muryango ntabwo rwose wabona akazi, yewe kubona igishoro ni uko ugomba kuba ufite umuntu ukomeye mu muryango wenda akaba yagufasha, kuvuga ngo uzabona miliyoni cyangwa ibihumbi Magana ntabwo byatworohera.”
Christine ufite imyaka 23, kuri we avuga ko iyo abanyeshuri cyane cyane ab’abakobwa barangije amashuri, usanga abenshi bahura n’ibishuko byo kwishora mu busambanyi.
Yunzemo ati “Bibaho rwose aho abakobwa batanga iyo ruswa, akenshi abagabo bagufatirana iyo bamaze kukubona ko umerewe nabi, mbese ushaka nk’amavuta yo kwisiga kandi iwanyu badafite ubushobozi, ariko ntabwo twakagombye kugwa muri ibyo bishuko rwose, gusa bibaho.”
Aba banyeshuri kandi bagaragaza ko ikibazo cy’imisoro nacyo gikomeje kubangamira abagerageje gutangiza udushinga duto, kuko ngo hari n’aho bigera ugasanga imisoro utanze iruta igishoro watangije.
Habumuremyi Donat we urangije mu ishuri rikuru ry’uburezi (KIE), we avuga ko nubwo ubu ari umwarimu mu Karere ka Gakenke, ariko nawe azi ko akazi kagoye kukabona.
Agira ati “Nibyo akazi karagoye kukabona hanze aha, gusa njyewe icyo nasaba abarangije ni ukumva ko no kuba barangije ari ishema rikomeye.”
Muri Gashyantare uyu mwaka, umwe mu ba depite mu Nteko Ishinga Amategeko y’u Rwanda, yavuze ko biteye agahinda kuba u Rwanda rugiye kuba nka Sodoma na Gomora.
Depite Mukarugema Alphonsine yavuze ibi nyuma y’aho umuryango urwanya ruswa n’akarengane Transparency international Rwanda, uhamagajwe muri komisiyo ishinzwe imibereho y’abaturage mu Nteko ngo igaragaze uko ikibazo cya ruswa mu mitangire y’akazi gihagaze mu mwaka wa 2014/2015.
Uyu muryango wavuze ko mu mwaka wa 2014/2015, abakobwa cyangwa abagore bangana na 50% bagiye kwaka akazi, basabwe kuryamana n’abagombaga kukabaha, ababuze akazi kubera kwanga gutanga iyo ruswa bari 32.7%, bavuze ko bemeye ko bakabuze, 29.1% bari abakobwa bakora imirimo y’ubunyamabanga, 10.9% ni igitsina gabo bakora mu mirimo iciriritse.
UBU KOKO U RWANDA RUGIYE KUBA SODOMA NA GOMORA? HON MUKARUGEMA
Umudepite mu Nteko Ishinga Amategeko, aravuga ko igihugu gikwiye kumva ko ruswa ishingiye ku gitsina ihangayikishije mu mitangire y’akazi mu Rwanda.
Depite Mukarugema Alphonsine aravuga ko hatagize igikorwa vuba, u Rwanda rwaba rugiye kuba nka Sodoma na Gomora.
Sodoma na Gomora, hagaragara muri Bibiliya nka hamwe mu hazwi haberaga ubusambanyi mu buryo bukomeye kugeza ubwo umujinya w’Imana watumye iharimbura.
Ibi iyi ntumwa ya rubanda yabivuze nyuma yaho umuryango urwanya ruswa n’akarengane Transparency international Rwanda, uhamagajwe muri komisiyo ishinzwe imibereho y’abaturage mu nteko ishinga amategeko, ngo igaragaze uko ikibazo cya ruswa mu mitangire y’akazi gihagaze mu mwaka wa 2014/2015.
Ingabire Marie Immaculee uwuyobora, yavuze ko ruswa ishingiye ku gitsina iteye ubwoba, ku buryo hari igikwiye gukorwa.
Yagize ati “Muri ubu bushakashatsi twakoze mu mwaka wa 2014/2015, bugaragaza ko abakobwa cyangwa abagore bangana na 50% bagiye kwaka akazi, basabwe kuryamana n’abagombaga kubaha akazi, ababuze akazi kubera kwanga gutanga iyo ruswa, 32.7% bavuze ko bemeye ko bakabuze, 29.1% bari abakobwa bakora imirimo y’ubunyamabanga, 10.9% ni igitsina gabo bakora mu mirimo iciriritse.”
Naho muri raporo y’Umuvunyi yo mu mwaka wa 204/2015, na yo igaragaza ko mu bemeye ko batanze cyangwa basabwe ruswa mbere yo kwinjira mu kazi ka Leta, 40% basabwe cyangwa batanze ruswa ishingiye ku gitsina, iyi kandi niyo ruswa iri ku isonga muri ruswa zigaragara mu mitangire y’akazi ka Leta, kuko ruswa y’amafaranga niyo ikurikiraho aho yihariye 39% bya ruswa zitangwa mbere cyangwa nyuma yo kwinjira mu kazi ka Leta.
Depite Mukarugema uri muri iyi komisiyo yavuze ko iki ari igisebo gikomeye ku muryango nyarwanda, kuko ngo byaba bigaragaza ko abakobwa cyangwa abagore bose bafite akazi, umuntu azajya atangira gukeka ko bose babonye akazi kubera ko babanje kuryamana n’abakoresha babo.
Yagize ati “Ubu koko tuvuge ko iki ari icyorezo cyibasiye u Rwanda?, ubu koko igihugu cyaba kigana he mu gihe hari gahunda yo kwigisha abana bose nyamara bikagenda gutya?, ubu koko u Rwanda rugiye guhinduka Sodoma na Gomora?.”
Yunzemo ati “Ubu se koko twitege ko serivise zizakorwa neza, mu gihe nyamara abantu bajya mu kazi kubera ko babanje kwakwa ruswa y’igitsina?.
Uyu mudepite aravuga ko bigiteye inkeke kugira ngo ibimenyetso byatanzwe n’uwatswe ruswa ngo byemerwe mu nkiko, kuko itegeko ryo rivuga ko ibimenyetso bigaragazwa na Polisi aribyo bihabwa agaciro.
Agira ati “Ubu bizagenda gute niba umuntu atanga ibimenyetso ariko bikangwa ngo ntabwo bifatika? Hari igikwiye gukorwa.”
Kugeza ubu umuryango ushinzwe kurwanya ruswa n’akarengane mu Rwanda, uravuga ko hari amakuru agaragaza ko hari abakozi babwira abakobwa bakoresha ngo “unsange muri hoteli…, mu cyumba…, uwo mukobwa atabikora agahita atakaza akazi.
Mu bindi kandi ngo hari abakoresha banga kuzamura abakozi mu ntera kubera ko banze ko baryamana, n’ibindi bikorwa bitandukanye bibangamira umukozi.
Kugeza ubu kandi ngo ruswa ikomeye irimo kugaragara mu mashuri makuru na za Kaminuza, aho umwarimu aha umunyeshuri amanota atakoreye, bigatuma uwo munyeshuri yumva ko hari ideni afitiye mwarimu, bikarangira baryamanye.
No mu bitaro, ngo hagaragara aho bamwe mu baganga badashobora kurara amazamu kubera uburyo agoye, babikorewe n’abayobozi babo kuko baryamana, ugasanga bamwe aribo barihoraho (izamu).
