MissRwanda 2016: i Kigali niho amajonjora y’ibanze yasorejwe

gikorwa cyo gushakisha umukobwa uzambikwa ikamba rya nyampinga w’u Rwanda 2016, amajonjora y’i banze yasorejwe mu Mujyi wa Kigali mu Murenge Remera mu Karere ka Gasabo kuri Sports View.

Ni nyuma yo guca mu Ntara y’Amajyepfo, mu Majyaruguru, i Burengerazuba no mu Burasirazuba aho hose bikaba byarasabwaga ko hagomba kugenda hatoranywa abakobwa 5 bahagarariye buri Ntara.

Bityo mu Ntara zose hakaboneka 25 bagomba gutoranywamo 15 bazajya muri Bootcamp aho hagomba gutoranywamo nyampinga w’u Rwanda.

Si ubwiza gusa burebwa. Ahubwo harebwa byinshi mu mico igomba kuranga umwali w’u Rwanda birimo n’uburyo abana n’abandi muri iyo bootcamp.

Ku itariki ya 06 Gashyantare 2016 nibwo hateganyijwe igitaramo kizabera muri Petit Stade i Remera kizatangazwamo abakobwa 15 bafite amahirwe yo kuvamo umwe uzaba nyampinga.

Uko abakobwa bagiye batorwa ngo bahagararire Intara zabo. Mu Majyaruguru hatowe Uwamahoro Solange, Umuhoza Sharifa, Mujyambere Sheillah na Harimana Umutoni Pascaline.

Mu majyepfo ni, Umutoniwabo Cynthia, Bitariho Nasra, Isimbi Eduige na Karake Umuhoza Doreen.

I Burengerazuba ni, Mutesi Jolly, Mutoni Balbine na Umuhumuriza Usanase Samantha.

Mu Burasirazuba ni, Uwase Rangira Marie d’Amour, Gisubizo Abi Gaelle, Akili Delyla, Uwimana Ariane na Kaneza Nickta.

Urutonde rw’abakobwa 14 bujeje ibisabwa bagomba gutoranywamo 5 bazahagararira Umujyi wa Kigali.

Amazina	Yavutse	Indeshyo	Ibiro	Numero
Ikirezi Sandrine	1996	1m75	59.9	11
Mpogazi Vanessa	1995	1m82	49.2	1
Naima Rahamatali	1991	1m71	66.3	9
Ange Kaligirwa	1993	1m72	47.4	3
Urayeneza Helene	1993	1m72	42.9	7
Kwizera Peace Ndaruhutse	1996	1m77	62	8
Umunezero Sandrine	1998	1m70	48	13
Nkurunziza Daniella	1993	1m75	45.5	6
Mutoni Jeanne	1996	1m73	49.6	10
Umunezero Olive	1994	1m70	47.9	5
Amanda Uwase Mellisa	1994	1m70	58.3	2
Nyinawumuntu Galliah	1992	1m72	46.9	14
Ashimwe Fiona Doreen	1994	1m71	51.3	12
Mutesi Eduige	1997	1m71	50.5	4

Aba nibo bakobwa 14 bashoboye guca imbere y’abagize akanama nkemurampaka kugirango batange neza ibisobanuro by’imishinga bazageza ku banyarwanda mu gihe umwe muri bo ashobora kugira amahirwe yo kuba yakwegukana ikamba rya MissRwanda 2016.

Kuri iyi nshuro hakaba hatoranyijwe abakobwa 9 aho kuba 5 kubera ko zimwe mu Ntara zagiye zitabona umubare wa batanu. Bityo abo bane basaga bakazuza umubare w’abakobwa 25 bari bakenewe mu irushanwa.